Historiku

Eksperienca jonë mbi 20-vjeçare në tregun e ideve dhe të veprave inxhinierike na ka lejuar të evolohemi vazhdimisht, por me baza të forta. Themelet tona shtrihen thellë, nën çdo vepër që kemi kuruar dhe janë të testuara nga koha. Edhe pse sot LIM-EM konsiderohet si një nga kompanitë e ndërtimit më prestigjoze në Shqipëri, ne kemi ditur t’ia nisim nga zero, pa djegur asnjë etapë.  Nuk kemi anashkaluar asnjë përvojë e cila na ka bërë sot të identifikohemi si origjinalë, të besueshëm dhe novatorë. 

LIM-EM u themelua në vitin 1999 si kompani e dedikuar në prodhimin dhe shitjen e lëndës së parë. Në vitin 2000, pasioni për cilësinë e lartë dhe për zhvillim na çoi krejt natyrshëm në zgjerimin e aktivitetit drejt realizimit të ndërtesave civile dhe të veprave infrastrukturore të rëndësishme në të gjithë Shqipërinë. 

Pas 20 vjetësh, mbi themelet tona ngrihen plot hijeshi 18 projekte të realizuara nga një ekip i konsoliduar me 150 profesionistë. Pas gjithë kësaj kohe, vazhdojmë t’i kemi sytë nga e ardhmja. Ajo që ndërtojmë do të mbetet për shumë gjenerata, dhe jemi krenarë që jemi pjesë e zhvillimit të qyteteve në Shqipëri!. 

Çdo gjë që bëjmë, krijohet duke patur në qendër të vëmendjes njeriun. Ne besojmë se krijojmë jo vetëm vende pune dhe shtëpi, por një të ardhme më të mirë për të gjithë.

Projekti “Mozart”

Mozart, me stilin elegant Francez pozicionohet në Bulevardin Zogu-I, përballë Ministrisë së Drejtësisë tek rruga ‘Dervish Hatixhe’. Godinë banimi dhe shërbimi multifuksionale.
26 Mars, 2018

Projekti “Pool Tower”

Kompleksi Pool Tower përbëhet nga kulla e banimit, kulla e biznesit dhe  2-kate nëntokë parkime. Ndodhet 1 km larg nga qendra e Tiranës, në rrugën e Durrësit.
07 Shkurt, 2017

Projektim Servisi dhe Magazinë

Projektimi dhe realizimi i një magazine dykatëshe dhe  i një servisi për makina në zonën e Kasharit, sipas kërkesave të klientit dhe cilësi maksimale.
03 Korrik, 2015

“Euro Elektra” Projekt Industrial

Projektimi dhe realizimi i kapanonit Industrial Euro Elektra, një objekt multifuknsional, ndërtuar nga materialet më cilësore dhe me teknologjitë më të fundit.
29 Prill, 2015

Projekti “Luxor 2”

Luxor 2, pozicionuar në Laprakë, me një sipërfaqe prej 10,480 m2, 6-kate mbi tokë dhe 2-kate parkimi, vetëm 2 km nga qendra e Tiranës.
02 Mars, 2015

Projekti “Solei”

Solei godinë banimi 4-kate mbi tokë dhe 1-kat nëntokë parkim. Ofron standarte të larta ndërtimi, qetësi, ajër i pastër, afërsi me shkollat, infrastrukturë e plotë rrugore.
09 Janar, 2015

Projekt Industrial, Cosmonte Foods

Realizimi i projektit të kompanisë Kosmonte Foods, për ndërtimin e 2,778 m2 magazina frigoriferike,  dhe  2,114 m2 zyra adminstrative dhe njësi shitje.
06 Janar, 2015

Objekti tek Rr. Elbasanit

Objekt i përbërë nga 8-kate banimi, 2-kate nëntokë parkime dhe kati përdhe me ambjente biznesi me ekspozim maksimal në rrugën kryesore, përballë Ambasadës Amerikane në Rr. e Elbasanit
09 Shtator, 2014

Projekti “Luxor 1”

Objekt me 8-kate banimi, 2-kate nën toke për vënde parkimi dhe kati përdhe me ambjente biznesi, pozicionuar 150 m nga sheshi “Avni Rustemi” (Pazari i Ri) dhe 150 m nga Unaza e Qytetit.
14 Qershor, 2014

Ujësjellësi Durrës-Kavajë

Realizimi i punimeve mbi tenderin me objekt “Furnizimi me ujë i plazheve Durrës-Kavajë” për furnizimin me ujë të pijshëm të zonave të banuara pranë vijës bregdetare.
05 Korrik, 2013

Objekti 16-katësh

Ndërtesë multi-funksionale 16-katëshe, e përbëre nga zyra dhe apartamente banimi, pozicionuar në zonën më të preferuar të kryeqytetit, Ish-Blloku, në rrugën Donika Kastrioti.

28 Janar, 2013

Tregu Agro-Ushqimor

Ndërtimi i Tregut Agro-Ushqimor të Tiranës, i cili përfaqeson strukturën më moderne të tregtimit, me teknologjinë më bashkëkohore, në përputhje me kërkesat e tregtimit të ushqimeve.
20 Janar, 2013

Projekti “Liburnia”

Objekt i kompozuar nga 6-kate banimi dhe 1-kat parkimi nëntokësor ofron apartamente dhe njësi biznesi, në rrugën Taulantia, pranë plazhit dhe me pamje të mrekullueshme.
29 Gusht, 2012

Riparim dhe Riforcim Ndërtese

Rinforcimi dhe risktrukturimi i strukturave, për shkak të ndryshimeve të vetive mekanike dhe kapacitetit mbajtës, në ndërtesën mbi 20-vjeçare në rrugën Tano Banushi.

2011

Shkollë Fillore dhe Kopësht

Projektimi dhe ndërtimi i shkollës 9-vjeçare Kashar, me 3-kate mbi tokë dhe një kat nëntokë, për krijimin dhe përmirësimin e kushteve të mësimdhënies.

2011

Projekti “Belleview”

Kompleksi Belleview, i ndërtuar pranë Liqenit Artificial ka një sipërfaqe totale prej 12,909 m² dhe përbëhet nga 3 objekte të ndara. Secili objekt ka 4-kate mbi tokë dhe 2-kate parkimi.
2009

Projekti “Blue Tower “

Kulla Pro-Credit Bank, kompleks banimi dhe shërbimi i pozicionuar në një prej arterieve kryesore të kryeqytetit, në rrugën Dritan Hoxha, ku pozicionohen zyrat qëndrore të shumë bizneseve të mëdha në Shqipëri.
17 Maj, 2005

Projekti “Area”

Objekt me 13-kate mbi tokë dhe 1-kat parkimi nëntokësor, i pozicionuar në qendër të qytetit të Durrësit, pranë ish rajonit të policisë, me një siperfaqe totale ndërtimi prej 21,293 m².
24 Shtator, 2008

Projekti “Lind-Or “

Objekt me 8-kate mbi tokë dhe 2-kate nën tokë, realizuar në një pozicionim strategjik, në rrugën “Pjetër Budi”, 100 m mbrapa Ambasadës Amerikane, pranë rrugës së Elbasanit.
25 Qershor, 2003

Palestër dhe sistem ngrohje

Projektimi dhe realizimi i palestrës, instalimi i sistemit të ngrohjes (kaldaja) dhe sistemi i oborrit për shkollat 9-vjeçare dhe të mesme, Katundi i Ri, Komuna Kashar.